Düsseldorf “Böyük dəbilqə”sinə böyük heyətlə

22-24 fevralda Almaniyanın Düsseldorf şəhərində cüdoçuların “Böyük dəbilqə”si keçiriləcək. Allsport.az saytı xəbər verir ki, yarışda 100-ə yaxın ölkədən 700-dən cüdoçu mübarizə aparacaq. Millini qot(ç)lar diyarında 12 kişi, 6 qadın təmsil edəcək.

Bunlar Davud Məmmədsoy (60 kq), Orxan Səfərov, Nicat Şıxəlizadə (hər ikisi – 66 kq), Hidayət Heydərov, Rüstəm Orucov (73 kq), Murad Fətiyev, Fəqan Quluzadə (81 kq), Məmmədəli Mehdiyev, Tural Səfquliyev (90 kq), Zelim Kotsoyev, Elmar Qasımov (100 kq), Uşangi Kokauri (+100 kq); Aişə Qurbanlı, Leyla Əliyeva (48 kq), Gültac Məmmədəliyeva, Buyankşiq Purevsuren (hər ikisi 52 kq), İçinkorloo Munxtsedev (57 kq), İrina Kindzerskadır (+78 kq).

Qeyd edək ki, “Böyük dəbilqə”də ilk yeri tutan 1000, gümüş mükafatçı 700, 3-ci sıraya çıxanlar 500, 5-ci və 7-ci mövqeyə yiyələnənlər müvafiq olaraq 360, 260 əmsal xalı qazanacaqlar.