Cüdo yığmamız Avropa çempionu olub

Bu gün Tallində (Estoniya) gənclər arasında cüdo üzrə Avropa çempionatında qarışıq komanda yarışları başa çatıb.

Allsport.az xəbər verir ki, Azərbaycan yığması turnirin qalibi olub.

Millimiz mübarizəyə 1/8 finalda Bolqarıstanla start verib və rəqibini 4:1 hesabı ilə məğlub edib. Növbəti görüşdə cüdoçularımız Türkiyə ilə üz-üzə gəliblər. təmsilçilərimiz 4:0 hesabı ilə üstün olaraq, yarımfinala vəsiqə qazanıblar. Burada Niderlanddan 4:2 hesabı ilə güclü olan yığmamız adını finala yazdırıb.

Komandaməz həlledici görüşdə Fransa ilə qarşılaşıb. 4:3 hesabı ilə qələbə qazanan millimiz Avropa çempionu tituluna yiyələnib. Finalda Vüsal Qələndərzadə (73 kq), Alan Kotsoyev (100 kq), Kənan Nəsibov (+100 kq) qələbə qazanıb, Fidan Əlizadə (57 kq), Pərvanə Abdullayeva (70 kq) və Nigar Süleymanova (+78 kq) isə uduzub. Nəticədə qalibi müəyyən etmək üçün həlledici görüş keçirilib və Fidan rəqibini məğlub edərək, ölkəmizin qızıl medal qazandırıb.