Cüdoçular İstanbulda hazırlaşır

Azərbaycanın cüdo üzrə gənclərdən ibarət yığma komandası İstanbulda beynəlxalq təlim-məşq düşərgəsinə qatılıb. Allsport.az xəbər verir ki, 5-7 mayı əhatə edən toplanış Avropa cüdo birliyinin təşkilatçılığı ilə baş tutur.

Hazırlıq prosesində cüdoçulara gənclərdən ibarət millinin baş məşqçisi Rüstəm Alimli və məşqçi Elxan Rəcəbli rəhbərlik edir.

Təlim-məşq toplanışı 31 may-1 iyunda Avstriyanın Qraz şəhərində və 21-22 iyunda Almaniyanın paytaxtı Berlində keçiriləcək gənclər arasında Avropa kuboku turnirlərinə hazırlıq məqsədi daşıyır.