Cüdoçularımız İspaniyadan 9 medalla qayıdır

İspaniyada yeniyetmə cüdoçular arasında keçirilən Avropa kuboku yarışı başa çatıb. Allsport.az xəbər verir ki, 2-ci gün millimiz hesabına daha 3 medal yazdırıb.

Oğlanların mübarizəsində Nahid İsmayılov (73 kq) qızıl medal qazanıb. Əlirza Şıxəlizadə (81 kq) gümüş, Aytac Qardaşxanlı (57 kq) bürünc medala layiq görülüb.

Cüdoçularımız Fuengirola turnirində ümumilikdə 2 qızıl, 4 gümüş və 3 bürünc medala sahib olublar. Millimiz oğlanlar arasında medalların əyarına görə 1-ci yeri, ümumu komanda hesabında isə 2-ci yeri tutub.