Cüdoçumuz Parisdə himnimizi səsləndirdi

1 fevralda Parisdə keçirilən “Böyük Dəbilqə” turnirinin ilk günündə Azərbaycan cüdoçuları 1 qızıl və 1 bürünc medal qazanıblar.

Allsport.az xəbər verir ki, kişilər arasında 66 kq çəki dərəcəsində Ruslan Paşayev finalda Fransa təmsilçisi Daikii Boubanı məğlub edərək qızıl medal qazanıb. Eyni çəkidə çıxış edən Rəşad Yelkiyev 5-ci yerdə qərarlaşıb.

73 kq çəki dərəcəsində isə Rəşid Məmmədəliyev üçüncü yer uğrunda portuqaliyalı Otari Kvantidzeyə qalib gələrək bürünc medal əldə edib.