Forgot Password New Account

YENİLƏNİB
2-ci gündə 1 gümüş medal

Cüdo
16 noyabr 2014 / 18:48 Baxış sayı: 913

Polşanın Vroslav şəhərində 23 yaşadək cüdoçuların Avropa çempionatının sonuncu günündə ölkəmizin üç təmsilçisi tatami üzərinə çıxıb. 90 kq çəki dərəcəsində Firudin Dadaşov elə ilk görüşdə polşalı Patrik Çexomskiyə, Məmmədəli Mehdiyev isə İxar Juka məğlub olaraq mübarizədən kənar qalıblar.

«Allsport.az»ın məlumatına görə, 100 kq-dan artıq çəki dərəcəsində Uşangi Kokauri əvvəlcə ukraynalı Andrey Kolesniki, sonra iki polşalı – Damyan Nasyadkoya və Kamil Qrabovskiyə qalib gələrək yarımfinala çıxıb. O, görüşlərinin hamısını ipponla erkən bitirib.

Onun final yolunda rəqibi latviyalı Arturs Nikiforenko idi. Kokauri rəqibin 23 saniyədə ippona salaraq, finala çıxıb. Onun rəqibi isə rusiyalı Anton Krivobokov oldu. Təəssüf ki, təmsilçimiz həlleducu görüşdə uduzub.

Qeyd edək ki, əvvəlki günlərdə Mehman Sadıqov (60 kq) və Hüseyn Rəhimli (73 kq) bürünc medal qazanıblar.

Komanda hesabında Azərbaycan 1 gümüş və 2 bürünc medalla 10-cu yeri tutb.

judo-23_60-kq10451848_1525374101037648_2959730302044420122_n

Həmin kateqoriyadan