5 il sonra qazanılan qızıl medal! Yenə “Atilla” idman klubu!

Portuqaliyanın Odivelas şəhərində gənclərin dünya çempionatının 2-ci günü arxada qalıb.

Allsport.az xəbər verir ki, 73 kq-da çıxış edən Vüsal Qələndərzadə finalda ABŞ təmsilçisi Cek Yonezukaya qalib gəlib.

Bu qələbə son 5 ildə bu yarışda qazanılan ilk qızıl medal olaraq tarixə düşüb. Sonuncu dəfə bu uğura 2018-ci ildə Rövşən Əliyev yetişib.

Xatırladaq ki, yarışın ilk günündə “Atilla” idman klubunun digər yetirməsi – Nizami İmranov (60 kq) gümüş mükafata yiyələnib.