Cüdonun yeni qaydaları Bakıda müzakirə olunub

Bakıda Beynəlxalq Cüdo Federasiyasının hakimlər və məşqçilər üçün təşkil etdiyi seminar davam edir. Allsport.az saytı xəbər verir ki, Heydər Əliyev adına İdman Sarayında keçirilən tədbir nəzəri hissədən sonra, təcrübə olaraq davam etdirilib.

Yüzədək ölkədən 400 nümayəndə heyətinin iştirak etdiyi toplantıda cüdonun yeni təlim qayda və qanunlarının tətbiqi əyani şəkildə nümayiş etdirilib. Qaydalara dair geniş müzakirə və fikir mübadiləsi aparılıb. Beynəlxalq seminara bu gün yekun vurulacaq.