Danimarka ilə dramatik oyunda Xorvatiya da 1/4 finala penaltilərlə çıxdı

Rusiya-2018 Dünya Kubokunda 1/8 final davam edir. Allsport.az saytı xəbər verir ki, bu gün mərhələnin 4-cü oyununda da qalib 11-metrlik cərimə zərbələrindən sonra müəyyənləşib.

“Nijni Novqorod” stadionunda bu mundialın ən erkən qolu 58-ci saniyədə Danimarkadan gəlib. Qoldan 4 dəqiqə sonra Xorvatiya hesabı bərabərləşdirib.

Görüşün əsas vaxtı bu hesabla bitib. Əlavə 30 dəqiqənin sonlarında Madrid “Real”ının futbolçusu Luka Modriç penaltini qola çevirə bilməyib.

11-metrlik cərimə zərbələrində dramatik anlar yaşanıb. Danimarkadan Kasper Şmeyxel 2, Xorvatiyadan Daniyel Subaşiç 3 dəfə topu qaytarıblar.