Dünya çempionatında ilk mükafatı Hidayət Heydərov qazandı

Bakıda cüdoçuların dünya çempionatında 3-cü günündə millimiz ilk medalını qazandı. Allsport.az saytı xəbər verir ki, 73 kq-da Hidayət Heydərov yarımfinalda yaponiyalı olimpiya və dünya çempionu Soiçi Hoşimotoya qızıl xalda uduzsa da, təsəlliverici görüşdə ruhdan düşmədi.

3-cü yer uğrunda tutaşmada komanda yoldaşı Rüstəm Orucovu yenən monqolustanlı Tsoqtbaatar Tsend-Oçirə qalib gəldi və dünya çempionatlarında ilk medalını qazandı.