“Dünya idmanında 5-ci dəfə olimpiadaya vəsiqə qazanan ilk qadın güləşçi oldum”

İstanbulda dünya olimpiya təsnifatında qadın güləşçimiz Mariya Stadnik (50 kq) 5-ci dəfə olimpiya oyunlarına vəsiqə qazanıb. Allsport.az saytı xəbər verir ki, titullu idmançımız əlçatmaz uğuruna belə izah verib:

“Hisslərim izaholunmazdır. Dünya idmanında 5-ci dəfə olimpiadaya vəsiqə qazanan ilk qadın güləşçi oldum. Bu uğura gedən yol çətin olsa da, bunu bacardım. Buna görə Allaha şükür edirəm. Olimpiada ilə bağlı indi danışmaq istəmirəm. Yaşayıb görərik”.