EHF nümayəndəmiz Belarus – Niderland oyununda

Ölkəmizin yeganə EHF nümayəndəsi İsgəndər Əsgərov növbəti təyinat alıb. Allsport.az saytı xəbər verir ki, o, qadın həndbolçuların Avropa çempionatının 2-ci seçmə mərhələsində 7-ci qrupda Belarus – Niderland görüşündə hakimlərin işinə qiymət verəcək.

Mayın 31-də Minskdə baş tutacaq oyunun referiləri rumıniyalı Kristina Nastas və Simona Stankudur. Qeyd edək ki, Belarus millisində Azərbaycan superliqa klublarında çıxış edən bir neçə oyunçu yer alıb.

4 matçdan sonra Niderland 6 xalla qrup öncülüdür. Meydan sahibələri 4 xalla 3-cüdür.