“Fənərbağça”nın kosovolu transferi Ramil Quliyevə oxşarlığını təsdiqləyib

“Fənərbağça”nın yeni transferi Vədat Muriqinin son açıqlaması KİV-də diqqət cəlb edib. Allsport.az saytı xəbər verir ki, 25 yaşlı kosovolu futbolçu bu klubun azərbaycanlı əsilli qaçışçısı Ramil Quliyevə oxşarlığından danışıb:

“Sosial şəbəkələrdə azarkeşlərin paylaşımlarını gördüm. Haqlıdırlar, mən də bənzədiyimizi düşünürəm. Belə böyük bir klubda bu müqəddəs formanı daşımağımız və “Fənərbağça”nın uğurları üçün tər tökməyimiz ən böyük ortaq nöqtəmizdir. Ramilə işlərində uğurlar arzu edirəm”.

Qeud edək ki, Vədat millətlər liqasında “D” qrupu çərçivəsində Kosovo millisi ilə Bakıda olub. Paytaxtdakı görüş 0:0 bitmişdi. Həmyerlimizə gəlincə, o qardaş ölkə adından atletikada dünya və Avropa çempionluğunu bayram edib.