Hidayət Heydərov üzv seçildi

Macarıstanın paytaxtı Budapeştdə keçirilən cüdo üzrə dünya çempionatı çərçivəsində idmançılar beynəlxalq cüdo federasiyasının (İJF) atletlər komissiyasına nümayəndələrini seçib.

Allsport.az xəbər verir ki, seçkilər nəticəsində 5 üzv idmançıların səsi ilə, 4 üzv isə İJF icraiyyə komitəsi tərəfindən təyin olunub.

Yeni tərkib 2025–2029-cu illəri əhatə edən dörd illik müddətə fəaliyyət göstərəcək.

Qürurverici haldır ki, olimpiya, dünya və dördqat Avropa çempionu Hidayət Heydərov İJF icraiyyə komitəsinin qərarı ilə atletlər komissiyasına üzv seçilib.