İkinci finalçı müəyyənləşdi

Qadın həndbolçuların Azərbaycan kubokunda ikinci finalçının da adına aydınlıq gətirilib.

Allsport.az xəbər verir ki, bu gün keçirilən “Kür” -“İdman Akademiyası” görüşündə Mingəçevir təmsilçisinin qələbəsinə inananlar yanılmayıblar. Matçın gərgin mübarizə ilə yadda qalan ilk hissəsi 14:12 hesabı ilə yekunlaşıb. Fasilədən sonra təzyiqi daha da artıran “Kür” 33:23 hesablı qələbə ilə finala yüksəlib.

Digər finalçı yarımfinalda “Qarabağ”ı 35-26 hesabı ilə üstələyən “Azəryol”dur.