İtsutsu-no-kata imtahanı uğurla tamamladılar

Azərbaycanın kata üzrə rəyçiləri Bosniya və Hersoqovinanın paytaxtı Sarayevoda kodokan məşğələsində iştirak ediblər.

Allsport.az saytı xəbər verir ki, İsmayıl Rzayev, Rafiq Nəcəfov, İbrahim Aslanov və Samir İsmayılovdan ibarət heyət koşiki-no-kata və itsutsu-no-kata üzrə hazırlıq keçib. Tədrisə kodokan mütəxəssisləri Yoşiharu Makişi və Keniçi Şohida rəhbərlik edib.

Seminarın sonunda kata ekspertlərimiz itsutsu-no-kata üzrə imtahanı uğurla tamamlayaraq kodokan sertifikatına layiq görülüblər.

Bu katalar yüksək texniki hazırlıq və böyük təcrübə tələb edən, əsasən yüksək dan dərəcəli cüdoçular üçün nəzərdə tutulmuş proqramlar hesab olunur.