Kabo Verdenin qapıçısı 1 gündə 7 milyondan çox abunəçi toplayıb

Kabo Verde millisi Dünya Kubokunda İspaniyaya qarşı debüt edib. Allsport.az saytı xəbər verir ki, oyundan əvvəl Opta superkompüteri 25.000 simulyasiya işlədib və İspaniya bunların 87 faizində qalib gəlib. Heç-heçə cəmi 8 faiz fürsət idi, lakin Kabo Verde ilk dəqiqələrdən güclü müdafiə təşkil edib və dünya çempionunu oyundan kənarda saxlayıb.

Siftəçilərin 40 yaşlı qapıçısı Vozinya matçın qəhrəmanı olub: o, 7 qurtarış edib və vaxtını məharətlə boşa verib. Final fitindən sonra Vozinya göz yaşlarına boğulub. Qolkiper özünəməxsus rekorda imza atıb: o, Dünya Kubokunda debütündə qapısını toxunulmaz saxlayan ən yaşlı qapıçı olub.

Yalnız bir matçda Vozinhanın sosial media izləyicilərinin sayı 34 dəfə artaraq 56.000-dən təxminən 2 milyona çatıb və hazırda 7,5 milyonu keçib. Onların əksəriyyəti braziliyalıdır. Oyun zamanı Braziliya televiziya kanalı “Caze” TV izləyiciləri qapıçının hesabını kütləvi şəkildə izləməyə çağırıb və link paylaşıb.

Oyundan sonra braziliyalı müxbir Vozinyaya izləyicilərinin sayını göstərib. Əvvəlcə qapıçı buna inanmayıb və utanıb.