Keçmiş futbolçumuz 2-ci Vətən müharibəsinə ABŞ-dan qayıdaraq könüllü qatılıb

“Bakı”nın sabiq vitse-prezidenti Yaşar Seyidovun oğlu Valeh Seyidov 2-ci Vətən müharibəsinin ilk günlərindən cəbhəyə yollanıb.

Allsport.az saytı xəbər verir ki, vaxtilə müxtəlif yaş qrupu üzrə millilərdə çıxış edən keçmiş hücumçu ABŞ-da olmasına baxmayaraq, Azərbaycana qayıdaraq könüllü olaraq orduya yazılıb.

O, vaxtilə Azərbaycanda “Bakı”, “Keşlə-2” və “Sumqayıt”, Portuqaliyada isə “Louletano” klubunda oynayıb. İki yaş qrupu üzrə ölkə çempionatının bombardiri olan Valeh hazırda cəbhə bölgəsindədir.