“Komandaya iradım yoxdur”

“Sabah”ın baş məşqçi Rimas Kurtinaytis Azərbaycan kubokunun 1/4 final mərhələsində “Neftçi”yə 81:85 hesabı ilə məğlub olduqları oyundan sonra açıqlama verib.

Allsport.az xəbər verir ki, o, komandasının sona qədər mübarizə apardığını bildirib:

“Komandaya iradım yoxdur. Bacardıqlarını etdilər. Təbii ki, Endərin yoxluğu yerli oyunçu rotasiyası zamanı hiss olunurdu. Həm rotasiya, həm oyun planı baxımdan yeri görünürdü. Eyni komandanı ardıcıl olaraq 3 gün ərzində 2 dəfə məğlub etmək çətindir. Çünki rəqib də oyunu təhlil edib, səhvlərindən nəticə çıxarıb, daha yaxşı oynamağa çalışır. Sona kimi mübarizə apardıq. Növbəti oyunlarda yaxşı nəticə əldə etməyə çalışacağıq”.