Kütləvi legionçuluq cüdomuza da çatdı: qadin millimizdə 4 əcnəbi

Ölkəmizin qadın cüdoçulardan ibarət millisi heyətini legionçularla gücləndirilib. Allsport.az saytı judo.az-a istinadla xəbər verir ki, monqolustanlılar – Erdenebat Bazarraqça (48 kq), Purevsuren Buyanxişiq (52 kq), Munxtsedev İçinxorlu (57 kq) və ukraynalı İrina Kindzerska (+78 kq) bundan sonra bizim üçün güləşəcəklər.

ACF yığmamızın yeni üzvləri ilə görüş keçirilib. Vitse-prezidenti Sadıq Sadıqov cüdoçulara qarşıdakı İslam həmrəyliyi oyunları və digər beynəlxalq yarışlarda uğurlar arzulayıb. Bildirilib ki, komandamıza yeni cüdoçuların cəlb olunması, Azərbaycanda qadın cüdosunun da inkişafına təkan verəcək.