Məmmədəlidən 5-ci yer və 360 reytinq xalı

Fevralın 20-də İsrail paytaxtı Təl-Əvivdə cüdoçuların “Böyük dəbilqə”si sona yetib. Allsport.az saytı xəbər verir ki, yarışın son günündə 5 milli üzvü mübarizəyə qoşulub. Ən yaxşı nəticə Məmmədəli Mehdiyevə (90 kq) məxsus olub.

“B” qrupunu qalib başa vuran idmançımız, yarımfinalda ispaniyalı, 3-cü yer uğurunda görüşdə gürcüstanlı həmkarına yenilib.

“Böyük dəbilqə”də ilk yeri tutan 1000, gümüş mükafatçı 700, 3-ci sıraya çıxanlar 500, 5-ci və 7-ci mövqeyə yiyələnənlər müvafiq olaraq 360, 260 əmsal xalı qazanıblar.