Marta Abbasova: Bu gün özüm az oynadım

Bu gün qadın həndbolçulardan ibarət ABU klubu Çağırış kubokunun 4-cü mərhələsinə adladı. Allsport.az saytı xəbər verir ki, ölkə çempionu bu yolda Belçika “Femina Vize”sini hər 2 matçda üstələdi. Komandamızın ən aparıcı oyunçularından olan Marta Abbasova jurnalistlərə açıqlama verdi. Mərkəz hücumçusu bildirdi ki, əvəz qarşılaşmasında cəmi 1 dəfə fərqlənməyi, digər komanda yoldaşlarında imkan yaratması ilə bağlıdır:

“Bəli, dünən daha fəal idim. Rəqib qapısından 6 top keçirdim. Bu gün özüm az oynadım, digər həndbolçularımız da şans qazandı. Ümidvaram ki, növbəti mərhələdə də inamlı çıxış edəcəyik. Təbii, bunun üçün, üzərimizdə daha çox çalışmalıyıq”.