Milli həndbolçumuzun komandası Almaniya Bundesliqasını 2-ci yerdə bitirib

Bu gün qadın həndbolçuların Almaniya Bundesliqasına yekun vurulub. Allsport.az saytı xəbər verir ki, milli qapıçısı Valentina Salamahanınnın çıxış etdiyi «Bietiqheym» 26-cı turda evdə «Borussiya» ilə üz-üzə gəlib.

İlk hissə meydan sahibələrinin üstünlüyü ilə bitsə də (14:12), fasilədən sonra dortmundlular tədricən təşəbbüsü ələ alaraq sonda qalib gəliblər – 26:25.

Bu yenilgi Valentinanın komandasının ölkə çempionatında 2-ci yer tutmasını əngəlləməyib. «Bietiqheym» mövsümü 40 xalla (+18=4-4) bitirib.