Millimizə namizəd qapıçılar üçün məşq

21 yaşadək futbolçulardan ibarət millimizin qapıçılar üzrə məşqçisi Draqoslav Poleksiç Ayxan Arazlı (“Qarabağ”), Yusif İmanov (“Sabah”), Elməddin Sultanov (“Kəpəz”) və Vüsal Şabanov (“Zaqatala”) üçün bir günlük məşq keçib.

Allsport.az xəbər verir ki, hazırlıq prosesi Mərdəkan qəsəbəsində yerləşən milli komandaların məşq mərkəzində təşkil edilib.

Məşqin məqsədi yığmaya potensial namizəd qapıçıların hazırlıq səviyyəsini yoxlamaqdır.