MPK-nin baş katibi “Koka Kola”nın Qafqaz, Türkiyə və Mərkəzi Asiya üzrə nümayəndəsi ilə görüşüb

Milli paralimpiya komitəsi ilə “Koka Kola” şirkəti arasında görüş keçirilib.

Allsport.az xəbər verir ki, görüş şirkətin Qafqaz, Türkiyə və Mərkəzi Asiya nümayəndəliyinin ictimaiyyətlə əlaqələr və kommunikasiya meneceri Elşad Fərzəliyevlə baş tutub. O, komitə ilə yaxından əməkdaşlıq etməkdə şirkətin maraqlı olduğunu qeyd etmişdir

MPK-nin baş katibi Kamal Məmmədov ölkəmizdə paralimpiya hərəkatının inkişafı sahəsində görülmüş işlər, əldə olunmuş nailiyyətlər və gələcək planlar barədə şirkətin nümayəndələrinə geniş məlumat vermiş, birgə əməkdaşlığın mümkün istiqamətləri barədə öz təkliflərini qonağın diqqətinə çatdırmışdır.