“Neftçi”nin futbolçusu ilk dəfə yığmaya dəvət aldı

“Neftçi”nin qvineyalı yarımmüdafiəçisi Mamadu Kane milliyə dəvət alıb. Allsport.az saytı xəbər verir ki, 23 yaşlı futbolçu Afrika millətlər kubokunda Çad yığmasına qarşı çıxış etmək imkanı qazanıb.

2018-ci ildən “Neftçi”də oynayan Mamadu ilk dəfə əsas ilə yığmaya çağırılıb. O buna qədər U-23-də forma geyinib. Rəqiblər noyabrın 11-də və 15-də üz-üzə gələcəklər.