“Nur”un həndbolçusu iddialı danışdı: “Biz çempionluğu hədəfləmişik”

Qadın həndbolçuların superliqasının 15-ci turunda “Nur” paytaxtda “Azəryol”a 29:28 hesabı ilə qalib gəldi. Mingəçevir təmsilçisi bu qələbə sayəsində çempionluq titulunu qorumaq üçün nəzəri imkanını saxladı.

“Azəsu”dan 8 xal geri qalan Oleq Malçevin komandası indi qalan 5 görüşün hamısında qalib gəlməli və ondan öndə olan rəqiblərin itki verməsini gözləməlidir.

Klubun aparıcı həndboçusu Yekaterina Peçe allsport.az saytına açıqlamasında iddialı danışıb: “Çoxlu səhvlər buraxdıq. Buna rəğmən, Allaha şükür, qələbə qazandıq. Bu nəticənin digər rəqiblərdən kimə xeyirli olduğunu deyə bilmərəm, amma biz çempionluğu hədəfləmişik”.