Öncə Macarıstana, sonra Sloveniyaya

Qadın voleybol millisi Avropa liqasına hazırlığını yurd dışında davam etdirəcək. Allsport.az saytı xəbər verir ki, qızlarımız bu məqsədlə Macarıstana yola düşüb.

12-dən 16-dək orada təlim-məşqin ardından komandamız davam üçün Sloveniyaya adlayacaq. Bu ölkədə toplanış mayın 29-dək davam edəcək.

Hazırlıq çərçivəsində millimiz bir sıra yoxlama oyunları keçirməsi də planlaşdırılır. Təlim-məşqə 14 voleybolçu cəlb olunub.

Yığmamız Avropa liqasındakı ilk görüşlərini Bakıda keçirəcək. İyunun 5-7-də baş tutacaq qarşılaşmalarda rəqiblər İsveç və Estoniyadır.