“Qarabağ” – “Azəryol” qarşıdurması sülhlə bitdi

Bu gün qadın həndbolçuların superliqasında 11-ci turun oyununda çempionatın 2 aparıcı komandası – “Qarabağ” və “Azəryol” qarşılaşdılar. Allsport.az saytı xəbər verir ki, matça Çingiz Əzimovun komandası fəal başladı. İlk 10 dəqiqədə “sarılar” 5:2 önə keçdi.

Amma toparlanan “Azəryol” nəinki hesabı bərabərləşdirdi, hətta 7:6 önə keçdi. Sonra yenə “Qarabağ” təşəbbüsü ələ aldı və 12:8, 13:9 üstün oldu. Təcrübəlilərin vəhdəti fasiləyə də irəlidə yollandı (15:13).

Ancaq 2-ci yarıda “yolçəkənlər” fəallaşdılar. Hissənin ortasında artıq başa-baş mübarizə getdi və cüzi üstünlük Georgi Voronovun komandasında oldu. Sonda “Qarabağ”ın həlledici zərbəsi hesabda tarazlıq yaratdı (24:24)