“Qarabağ”ın həndbolçusu: “Komandamız bir qədər zəifləyib”

Qadın həndbolçuların ölkə çempionatının 10-cu turunda “Qarabağ” autsayder “Gənclər Birliyi”ni 35:26 hesablı ilə məyus edərək, yarış cədvəlində 3-cü yerini möhkəmləndirdi. Oyundan sonra allsport.az saytına açıqlama verən qalib komandanın təcrübəli üzvü Anna Həmidova bunu dedi:

“Yəqin bilirsiniz, komandamız bir qədər zəifləyib. Kapitanımız zədəlidir (Sultanə Tağıyevanı nəzərdə tutur). Üstəlik, aparıcı həndbolçulardan olan Yekaterina Peçe “Nur”a keçib. Bu, əsasən müdafiəmizi zəiflədib. İndi oyunumuzu bərpa edirik. Amma bu, “Gənclər Birliyi” ilə oyunda bizdə elə də alınmadı”.