“Qarabağ”ın qapıçısının əlcəyi FİFA muzeyinə göndərilib

“Qarabağ”ın islandiyalı qapıçısı Hannes Halldorssonun əlcəyi FİFA-nın muzeyinə göndərilib. Allsport.az saytı xəbər verir ki, Rusiyada keçirilmiş Dünya Kuboku-2018-in qrupunda Argentina ilə oyunda Lionel Messinin penaltisini dəf edən 34 yaşlı qolkiperin həmin matçda geyindiyi əlcək bundan sonra muzeydə saxlanılacaq.

İslandiya hakimiyyəti o hadisədən sonra, milli qəhrəman səviyyəsinə yüksələn Halldorssonun şərəfinə heykəl ucaltmağı planlaşdırır. Hətta ölkədə həmin gün anadan olan oğlan uşaqlarının əksəriyyətinə Hannes adı qoyulub.

Xatırladaq ki, Argentina ilə görüşün 64-cü dəqiqəsində Messinin penaltisini qaytaran qapıçı komandasının xal qazanmasında böyük rol oynayıb.

Həmin kateqoriyadan