Rəşad Nəbiyev cüdoçularla görüşüb

Azərbaycan cüdo federasiyasının prezidenti Rəşad Nəbiyev Qusarda təlim-məşq toplanışını davam etdirən kişilərdən ibarət millizin üzvləri ilə görüş keçirib.

Allsport.az xəbər verir ki, yığıncaqda dünya çempionatına hazırlığın gedişi, mundial öncəsi əsas hədəflər, komandanın hazırlıq planı və qarşıda duran vəzifələr ətrafında fikir mübadiləsi aparılıb.

Federasiya prezidenti idmançılar və məşqçilər heyətinə uğurlar arzulayıb, onların dünya çempionatında uğurlu çıxış edəcəklərinə inamını ifadə edib.