Rüstəm 360, Hidayət 260 xal

Əbu-Dabidə cüdoçuların “Böyük dəbilqə”si davam edir. Allsport.az saytı xəbər verir ki, bu gün bizdə medal olmasa da, 2 təmsilçimiz xal ehtiyatını bir qədər də yaxşılaşdırıb.

Rüstəm Orucov (73 kq) 5-ci yer tutub. Hərbçilərin olimpiadasında 81 kq-da 3-cü yer tutaraq birbaşa Birləşmiş Ərəb Əmirliklərinə yollanan Hidayət Heydərov elə bu çəkidə 7-ci olub.

Qeyd edək ki, “Böyük dəbilqə”də ilk yeri tutan 1000, gümüş mükafatçı 700, 3-ci sıraya çıxanlar 500, 5-ci və 7-ci mövqeyə yiyələnənlər müvafiq olaraq 360, 260 əmsal xalı qazanırlar.