Yeniyetmə cüdoçular Azərbaycan birinciliyində mübarizə aparır

Bu gün Bakı İdman Sarayında yeniyetmə cüdoçular arasında Azərbaycan birinciliyi başlayıb. Allsport.az saytı xəbər verir ki, yarışda 69 klubdan 500-dən çox cüdoçu mübarizə aparır. Çempionatın ən güclüləri milli komandanın heyətinə cəlb ediləcəklər.

Qeyd edək ki, yeniyetmələrdən ibarət Azərbaycan milli komandası 2017-ci ildə Çilidə keçiriləcək dünya çempionatı, Litvada Avropa birinciliyi və Macarıstanda baş tutacaq yeniyetmələrin olimpiya festivalında iştirak edəcək.