Zaur Paşayev dünya çempionatında 2-ci qızıl medalımızı qazanıb

ABŞ-da veteran cüdoçular arasında dünya çempionatının ikinci günü də Azərbaycan komandası üçün uğurlu olub. Allsport.az saytı xəbər verir ki, M-1 kateqoriyası üzrə 100 kq-da mübarizə aparan Zaur Paşayev bütün rəqiblərinə qalib gələrək dünya çempionu olub.

Buna qədər M-6 kateqoriyası üzrə 90 kq çəkidə çıxış edən Fərhad Rəcəbli baş mükafata sahib çıxıb. Veteran cüdoçuların sınağına noyabrın 21-də yekun vurulacaq.