Zelim 7-ci oldu, 260 xala yiyələndi

İsrailin paytaxtı Təl-Əvivdə cüdoçuların “Böyük dəbilqə” turniri davam edir. Allsport.az saytı xəbər verir ki, yarışın 2-ci günündə 3 təmsilçimiz tatamiyə çıxıb. Onlardan heç biri medal qazanmayıb.

Nurlan Osmanov (73 kq) ilə Rüstəm Orucov (81 kq) elə ilk görüşdə yeniliblər. 81 kq-da Zelim Tçkayev 1/4 finala qədər irəliləyə bilsə də, burada büdrəyib və təsəlliverici tutaşmada sıradan çıxıb; yekunda 7-ci olub və 260 əmsal xalı qazanıb.