2 şahmatçımız Avropa çempionu oldu

Yeniyetmələr və gənclər arasında keçirilən Avropa çempionatında şahmatçılarımız uğurla çıxış ediblər.

Allsport.az xəbər verir ki, Azərbaycan şahmatçılarından 18 yaşlı oğlanların yarışında Uğur İlyaslı, 16 yaşlı qızların yarışında isə Ayan Allahverdiyeva 9 turdan 7,5 xal toplayaraq Avropa çempionatının qalibi olublar. 18 yaşlı qızların yarışında turnirin qalibi ilə eyni xalı (7 xal) toplayan Mələk İsmayıl isə əlavə göstəricilərə görə 2-ci yeri tutub.

Digər şahmatçılarımızdan Kənan Qarayev (20 yaş, oğlanlar, 5 xal), Şiroğlan Talıbov (16 yaş, oğlanlar, 6 xal) 7-ci, Nərmin Abdinova və Səmra Qasımova (14 yaş, qızlar, 6,5 xal) müvafiq olaraq 4 və 6-cı, Səadət Bəşirli (10 yaş, qızlar, 6,5 xal) 3-cü, Yusif Kərimli (10 yaş, oğlanlar, 7 xal) 6-cı yerləri tutublar.

Həmin kateqoriyadan