“Quba open 2026” keçirilib

Beynəlxalq hakim Qüdrət İsmayılovun xatirəsinə həsr olunmuş “Quba open 2026 – 2-ci beynəlxalq şahmat festivalı”nın açılış mərasimi keçirilib.

Allsport.az xəbər verir ki, ikinci dəfə keçirilən turnir Quba idman, istirahət, təlim və tədris kompleksində təşkil olunub.

Festivala Azərbaycanla yanaşı, Belarus, Hindistan, İran, İslandiya, Qazaxıstan, İsveçrə, Türkiyə, Ukrayna və Çindən ümumilikdə 350-yə yaxın şahmatçı qatılıb.

Mükafat fondu 24420 manat olan yarış sentyabrın 12-də yekunlaşacaq.