Bütün komandalarımızın kapitanları bilindi

Bakı Şahmat Olimpiadasında iştirak edəcək Azərbaycan komandalarının kapitanları müəyyənləşib. Allsport.az saytı xəbər verir ki, kişilərdən ibarət əsas millidə kapitan Aleksey Dreyev olacaq. Rusiya yığmasının heyətində (1992,1994 və 1996-cı illər) 3 dəfə olimpiya çempionu olan mütəxəssis, 1997 və 2005-ci illərdə komandalar arasında dünya çempionatının qalibi adını qazanıb.

Əslən Bakıdan olan İsrail şahmatçısı Emil Sutovski və Azər Mirzəyev müvafiq olaraq kişi şahmatçılardan ibarət 2-ci və 3-cü komandalara kapitan təyin olunublar.

Qadınların əsas komandasına Fikrət Sideifzadə rəhbərlik edəcək. Sərxan Quliyevlə Rəsul İbrahimov 2-ci və 3-cü yığmalarda çalışacaq. Bakı Şahmat Olimpiadasının mətbuat xidməti xəbər verir ki, hazırda əsas millilərimiz Qəbələdə son hazırlıq mərhələsində iştirak edirlər.