Antonio Miliç: Bu heyət Azərbaycan millisini yenəcək gücdədir

Xorvatiya yığmasının və “Anderlext”in müdafiəçisi Antonio Miliç Avro-2020-nin seçmə “E” qrupunda ilk 2 oyun barədə danışıb. Allsport.az saytı xəbər verir ki, o, milidə zədələrin olmasını yaxşı hal saymasa da, bunun komandası üçün böyük problem görmür:

“Xorvatiyada yüksək səviyyəli futbolçu yetərincədir. Bu heyət həm Azərbaycanı, həm də Macarıstanı məğlub edəcək gücdədir. Əgər öz oyunumuzu göstərsək, qarşımızda duran tapılmayacaq. Ələməyə 6 xalla başlamaq əla olar”. 

Xatırladaq ki, martın 21-də “ay-ulduzlular”ımızı qəbul edəcək “damalılar”, bundan 3 gün sonra Macarıstanın qonağı olacaq.