Aydın Süleymanlı “İlin ən yaxşı gənc şahmatçısı” seçilib

Chess.az saytının Feysbuk səhifəsində müxtəlif nominasiya üzrə səsvermə keçirilib. Allsport.az saytı xəbər verir ki, səsvermədə şahmatçılar və bu idman növü ilə maraqlanan izləyicilər iştirak ediblər.

Daha çox səs toplayan Teymur RəcəbovŞəhriyar Məmmədyarov “İlin şahmatçısı”nda qalib olublar.

Səsvermədə “Veysəloğlu” şirkətlər qrupunun 2013-ci ildən sponsorluq edərək dəstəklədiyi 15 yaşlı şahmatçı Aydın Süleymanlı isə “İlin ən yaxşı gənc şahmatçısı” seçilib.

Aydın Süleymanlı 2014-cü ildə blits və rapid növü üzrə keçirilmiş Avropa çempionatında bütün rəqiblərini üstələyərək həm blits, həm də rapiddə 10 yaşlı oğlanlar arasında birinci olub. O, 2017-ci ildə isə Rumıniyanın Mamaya şəhərində 12 yaşlı oğlanlar arasında Avropa çempionu, 2019-cu ildə isə Hindistanın Mumbay şəhərində dünya çempionu adını qazanıb.

2019-cu ilin noyabrında Azərbaycanın gənclərdən ibarət şahmat üzrə yığma komandasının heyətində Türkiyənin Çorum şəhərində keçirilmiş 16 yaşadək şahmatçılar arasında Dünya şahmat olimpiadasının, ötən il isə Moskvada “Aeroflot open” beynəlxalq şahmat festivalında “A” turnirinin qalibi olub.

Həmin kateqoriyadan