Azərbaycan kubokunun qalibi

Gənclər və idman nazirliyi ilə şahmat federasiyasının birgə təşkilatçılığı ilə karantin dövründə şahmatçıların oyun praktikasının qorunması üçün onlaynt turnir keçirilib. Allsport.az xəbər verir ki, Chess24.com portalı üzərindən keçirilən superblitsdə 100-dən çox şahmatçı iştirak edib.

İsveçrə sistemi üzrə baş tutan turnir 17 turdan ibarət olub. Yarışda ilk sıranı Eltac Səfərli tutub. Rauf Məmmədov və Qədir Hüseynov 2-3-cü yerləri bölüşüblər. Nicat Abbasov 4-cü, Aydın Süleymanlı 5-ci olub.

Qadınların yarışında ən yaxşı nəticə göstərən 6 şahmatçı – Gövhər Beydullayeva, Günay Məmmədzadə, Gülnar Məmmədova, Xəyalə Abdulla, Səbinə İbrahimova və Nərmin Xələfova pul mükafatı qazanıblar.

Yarışın ümumi mükafat fondu 15 000 manat təşkil edib. Qalib 3000 manata yiyələnib.