Azərbaycanlı boksçu 1/4 finalda qovuldu. Onu ciddi cəza gözləyir

Fransanı təmsil edən Azərbaycan əsilli boksçu Murad Əliyev (+91 kq) Tokio-2020-dən xaric edilib. Allsport.az saytı xəbər verir ki, buna səbəb 1/4 finalda britaniyalı rəqibi Freyzer Klarkı başla vurması olub.

Hakim, soydaşımızın baş zərbəsi nəticəsində Klarkın qaşının açıldığını elan edib. Bu üzdən, onu diskvalifikasiya edib. Qərara etirazını sərt şəkildə bildirən Murad Əliyev, rinqdən çıxmaqdan imtina edib.

Qeyri-etik hərəkətlərə və təhqiramiz ifadələrə yol verib. Bu hərəkətinə görə, boksçunu ciddi sanksiya gözləyir.