“Baku Оpen 2019” şahmat festivalına start verilib

Azərbaycanın dövlət müstəqilliyinin bərpasının 28-ci ildönümü münasibətilə sentyabrın 20-də onuncu “Baku Оpen 2019” beynəlxalq şahmat festivalına start verilib.

Alsport.az saytı xəbər verir ki, sentyabrın 28-dək davam edəcək tədbirdə İrandan 9, Rusiya və İspaniyanın hər birindən 2, Ukrayna, Vyetnam, Özbəkistan, İordaniya, Almaniya və ABŞ-dan 1 şahmatçı iştirak edir.

Ölkəmiz festivala 208 şahmatçı ilə qatılıb. Turnir İsveçrə sistemi üzrə 9 turdan ibarət keçirilir. Festivalın uşaq turniri isə Respublika Şahmat Mərkəzində təşkil olunur. Bu turnirdə 8-10 yaşlı yüzədək şahmatçı mübarizə aparır.