“Bu raundda hər 2 tərəfə qələbə vermək olardı”

Boks millimizin böyük məşqçisi Nəriman Abdullayev ilk günün nəticəsini qiymətləndirib. Allsport.az saytı xəbər verir ki, o, 2 təmsilçimizin yenilməsi barədə bunu söyləyib:

“Tayfur Əliyev döyüşün 1-ci raundunda qalib gəlmişdi. Raundun axırında zərbə buraxdı. Bu, bir az ağır alındı. 2-ci raundda döyüş öz xarakterini dəyişdi. Bəli, razıyam, burda uduzdu.

3-cü raunddan bir qədər narazıyıq. Bu raundda hər 2 tərəfə qələbə vermək olardı. Tayfur 2-ci raundu əldən verməsə, qalib gələ bilərdi. İkinci raund elə davam etdi ki, bu hesabdan geri-dönüş alınmadı.

Lorenzo Sotomayor daha yaxşı döyüşə bilərdi. Axırıncı raundda boksçumuzun döyüşündə müsbət dəyişiklik vardı, lakin qaşı zədələndiyi üçün hakimlər görüşü yarımçıq dayandırdılar”.