Finalın təyinatları

Avropa çempionatının İtaliya – İngiltərə final matçının hakimləri açıqlanıb. Allsport.az xəbər verir ki, həlledici görüşü niderlandlı referi Byörn Kyupers idarə edəcək.

48 yaşlı hakimə yerliləri – Sander van Rokel və Ervin Zeinstra kömək edəcəklər. Dördüncü hakim funksiyasını isə ispaniyalı Karlos Del Serro Qrande yerinə yetirəcək.

Kyupers Avropa çempionatının final matçını idarə edəcək ilk niderlandlı hakim olacaq.

İyulun 11-i Londondakı “Uembli”də keçiriləcək görüş Bakı vaxtı ilə 23:00-da başlayacaq.