Forgot Password New Account

“Masazır-Zirvə”nin atleti Avropada 3-cü oldu

Ağırlıqqaldırma
27 noyabr 2014 / 18:44 Baxış sayı: 762

Kiprin Limassol şəhərində ağır atletika üzrə gənclər arasında 17-ci qadın və 40-cı kişilər, həmçinin yaşı 23-ə qədər olan idmançıların 6-cı Avropa çempionatı davam edir. Allsport.az xəbər verir ki, bu gün Azərbaycan yığmasının bir üzvü – Anastasiya İbrahimli körpücük üzərinə çıxıb. O, yaşı 23-ə qədər olan idmançılar arasında 69 kq çəki dərəcəsində mübarizə aparıb.

“Masazır-Zirvə” İdman Klubunun üzvü olan Anastasiya birdən qaldırma hərəkətinə 92 kq-ı ram etməklə başlayıb. Ancaq sonrakı iki yanaşmada 95 kq-ın öhdəsindən gələ bilməyib. Buna baxmayaraq, İbrahimli bu hərəkətdə 4-cü yeri tutub.

Təkanla qaldırma hərəkətinə 115 kq-ı başı üzərinə qaldırmaqla başlayan atletimiz, növbəti iki yanaşmada 119 kq-a güc gələ bilməyib. Buna baxmayaraq, İbrahimli bu hərəkətdə Avropa çempionatının bürünc medalına sahib çıxıb.

Toplamda 207 kq (92+115) nəticə göstərən ağır atlet Avropa çempionatında 3-cü yeri tutub.

Həmin kateqoriyadan