Kristina Yovu: Bakıya qayıdacağımı dəqiq bilmirəm

«Moldovada məşqlərimi davam etdirirəm. Hər şey qaydasındadır». Bu açıqlamanı allsport.az saytına yığma komandamızın üzvü Kristina Yovu (53 kq) verib.

Perspektivli ağırlıqqaldıran məlum dopinq qalmaqalından sonra, cəzalanmış 18 idmançımızdan biri olub. Cari mövsümdən millidən kənarlaşan bolqar əsilli atlet, indi çalışmalarını doğma vətənində etdiyini deyib:

«Hələ Bakıya dəqiq nə vaxt qayıdacağımı bilmirəm. Formadan düşməmək üçün məşqlərimi sürətləndirmişəm».