Məşhur güləş ustadının vəfatından 40 gün ötür

İyunun 29-da Əməkdar bədən tərbiyəsi və idman xadimi Cavanşir Qurbanovun vəfatından 40 gün keçir. Allsport.az saytının məlumatına görə, bu münasibətlə mərhumun ailəsi, yaxınları, dostları, olimpiya mükafatçıları və idman xadimləri onun 2-ci Fəxri xiyabandakı məzarını ziyarət ediblər, önünə gül dəstələri qoyublar, əziz ruhuna “Fatihə” oxuyublar, dünyaca məşhur güləş ustadının uğurlu idman həyat hekayə barədə nitq söyləyiblər. Sonra mərhumun qardaşı – uzun illər Azərbaycan idman akademiyasında “Güləşmə və onun metodikası” kafedrasına rəhbərlik etmiş, Milli idman növləri assosiasiyasının ilk prezidenti Xanlar Qurbanovun abidəsinin önünə güllər düzülüb, onun xatirəsi anılıb.

Cavanşir Qurbanov 6 dekabr 1947-ci ildə Bakı şəhərində anadan olub. Xızı-Bərmək mahalının qədim Xələnc kəndinin pəhləvanlar nəslindəndir. Atası Kazım Pənah oğlu Qurbanov Böyük Vətən müharibəsinin iştirakçısı olub.
Cavanşir Qurbanov id­ma­na er­kən yaş­la­rın­da, gü­lə­şə olan bö­yük sev­gi­si ilə gə­lib. İki gün­dən son­ra 7-ci onil­li­yi baş­la­na­caq bö­yük hə­yat yo­lu­nun gü­lə­şə həsr olun­muş his­sə­si uzun bir döv­rü əha­tə edir. Gü­ləş xal­ça­sı üzə­ri­nə ilk də­fə 1962-ci il­də Or­du İd­man Klu­bun­da çı­xıb. 4 il­dən son­ra ar­tıq id­man us­ta­sı nor­ma­sı­nı ye­ri­nə ye­ti­rib. Də­fə­lər­lə Azər­bay­can çem­pio­nu olub, ümu­mit­ti­faq və bey­nəl­xalq tur­nir­lər­də mü­ka­fa­ta la­yiq yer tu­tub.

1972-ci il­də Xalq tə­sər­rü­fa­tı ins­ti­tu­tu­nu (in­di İq­ti­sa­diy­yat uni­ver­si­te­ti) bi­ti­rib. Am­ma özü­nü id­man­dan ay­rı tə­səv­vür et­mə­yib, id­man sa­hə­si üz­rə ali təh­sil al­maq üçün Bə­dən tər­bi­yə­si ins­ti­tu­tu­na (in­di-ADB­Tİ­A) da­xil olub. Təh­si­li­ni da­vam et­dir­mək­lə ya­na­şı, Ba­kı xalq maa­ri­fi şö­bə­si­nin gü­ləş id­man mək­tə­bin­də məşq­çi, elə­cə də mək­tə­bin mü­di­ri və­zi­fə­sin­də ça­lı­şıb. Mək­tə­bə rəh­bər­lik et­di­yi 1990-cı ilə qə­dər ora­da sər­bəst gü­ləş üz­rə SSRİ, dün­ya və Av­ro­pa çem­pio­nu Xə­zər İsa­yev, yu­nan-Ro­ma gü­lə­şi üz­rə Av­ro­pa çem­pio­nu, dün­ya çem­pio­na­tı­nın gü­müş mü­ka­fat­çı­sı Na­tiq Ey­va­zov, Av­ro­pa çem­pio­na­tı­nın gü­müş mü­ka­fat­çı­sı Azad Əli­yev, gənc­lər ara­sın­da SSRİ bi­rin­ci­lik­lə­ri­nin qa­lib­lə­ri Tap­dıq İs­ma­yı­lov, Sey­mur Kə­ri­mov, Bay­ram Ab­dul­la­yev, Əf­qan Məm­mə­dov, Hə­mid Rə­su­lov, Bəh­ruz Məm­mə­dov ki­mi ta­nın­mış pəh­lə­van­lar ye­ti­şib. Onun özü­nün şəx­si məşq­çi­lik fəa­liy­yə­ti­nin məh­su­lu 10-a ya­xın id­man us­ta­sı və müx­tə­lif də­rə­cə­li id­man­çı­lar­dır. On­la­rın ara­sın­da 2003-cü ilin sər­bəst gü­ləş üz­rə bü­rünc mü­ka­fat­çı­sı, Afi­na olim­pia­da­sın­da 5-ci ol­muş Rüs­təm Ağa­ye­vi xü­su­si qeyd et­mək la­zım­dır.

1992-ci ildən Milli Olimpiya Komitəsinin üzvü olub. 1995–2006-cı illərdə Azərbaycan Güləş Federasiyasının (AGF) I vitse-prezidenti olub. Onun fe­de­ra­si­ya­nın 1-ci vit­se-pre­zi­den­ti ki­mi fəa­liy­yət döv­rü Azər­bay­can gü­lə­şi­nin şan­lı sə­hi­fə­lə­ri­ni təş­kil edir. Bu il­lər ər­zin­də pəh­lə­van­la­rı­mız, 2 qı­zıl və 1 gü­müş ol­maq­la, 3 olim­pi­ya me­da­lı­na sa­hib olub­lar. 2003-cü ildə ABŞ-da keçirilən dünya çempionatında Arif Abdullayev 17 il sonra sərbəst güləşdə baş mükafata yiyələnib. 2004-cü ildə sərvəst güləş millisi Bakıda keçirilən Dünya Kubokunda baş mükafata sahib çıxıb.
2006-cı ildən 2017-ci ilə qədər AFG-in regionlar üzrə vitse-prezidenti olmuşdur. İşlədiyi dövr ərzində Respublikamızda güləşçilərin hazırlanmasında, onların yüksək nailiyyətlər əldə etməsində əməli və praktiki köməklik göstərib. 2002-ci ildə Bakı şəhərində sərbəst güləş üzrə Avropa çempionatının, 2004-cü ildə Dünya Kubokunun və 2006-cı ildə kişilər arasında sərbəst, yunan-roma və qadınların sərbəst güləş üzrə Qızıl Qran-Pri beynəlxalq turnirinin final mərhələsinin Təşkilat Komitəsinin sədr müavini olub.

Ca­van­şir Qur­ba­no­vun əmə­yi­nə ve­ri­lən qiy­mət yu­xa­rı­da sa­da­la­dı­ğı­mız fəx­ri ad­lar­da öz ək­si­ni ta­pıb. Bey­nəl­xalq Gü­ləş Fe­de­ra­si­ya­sı da, öl­kə­miz­də gü­lə­şin in­ki­şa­fı­na ver­di­yi töh­fə­lə­rin əvə­zin­də, onu özü­nün qı­zıl me­da­lı­na la­yiq bi­lib. 2007-ci ildə Ba­kı­da ke­çi­ri­lən dün­ya çem­pio­na­tın­da o vaxtkı Fİ­LA pre­zi­den­ti Ra­fa­el Mar­ti­net­ti da­ha bir mü­ka­fa­tı – Se­na­tor­lar klu­bu­nun qı­zıl me­da­lı­nı ona təq­dim edib.
Azərbaycan güləş federasiyasında bacarıqlı kadrları olub. Onlardan biri yaxın dostu Xosrov Cəfərovun oğlu Əjdərdir. O, hakimlər kollegiyasına sədrlik etdiyi dövrdə (2009-2011) ciddi nizam-intizam yaratmış, referilərin nüfuzunu və çəkisini qaldırmışdır. Sinqapur-2010 yeniyetmələrin olimpiadasında və London-2012 yay olimpiya oyunlarında ədaləti qoruyub. Əjdər Cəfərov AGF-də baş katib işlədiyi dönəmdə (2011-2016) Nanjin-2014 yeniyetmələrin olimpiya oyunlarına 5 mümkün vəsiqənin hamısına yiyələnən komandamız, Çində 3 qızıl və 2 gümüş medal qazanıb. Sözsüz ki, ölkə idman həyatında ən yadda qalan hadisə London-2012 yay olimpiya oyunlarıdır. Gənc baş katibin qurduğu proqram artıqlaması ilə öz bəhrəsini verdi: 2 qızıl, 2 gümüş və 3 bürünc medal. Bu nəticə nəinki güləş, müstəqillimizin olimpiya oyunları tarixinin ən yüksək uğurudur.

Cavanşir Qurbanov Təfəkkür universitetinin “Bədən tərbiyəsi və idman kafedrasının” müdiri, professoru olub. 2020-ci ildən Yasamal rayon Ağsaqqallar Şurasının sədri olub.

“Fəxri bədən tərbiyəsi və idman işçisi”, xalq maarifi əlaçısı olan Cavanşir Qurbanov, Azərbaycan prezidenti İlham Əliyevin 05 mart 2008-ci il tarixli sərəncamı ilə “Əməkdar bədən tərbiyəsi və idman xadimi” fəxri adına layiq görülüb. 70 illik yubileyi mübasibəti və ölkə idmanında roluna görə ölkə başçısı İlham Əliyev onu “2-ci dərəcəli Vətənə xidmətə görə” ordeni ilə təltif edib. “Heydər Əliyevin 100-illiyi” yubiley medalı və 2025-ci ildə “Azərbaycan respublikası prezidentinin fəxri diplomu” ilə təltif olunub.

Professorun idman nəzəriyyəsi və tədris metodikası sahəsindəki yarıdıcılığı da təqdirəlayiqdir. İndiyə kimi onun qələmindən 20-yə yaxın elmi məqalə və metodiki vəsait çıxıb.

Cavanşir Qurbanovun 3 övladı, 7 nəvəsi var.

O, 21 may 2025-ci ildə vəfat edib. Onun dəfni böyük izdihamla keçib. Nəşi xeyli məsafədə Yasamal qəbirsandığının girişinə qədər piyada aparılıb. Cavanşir müəllim dövlər üçün, çalışdığı sahədə böyük faydalar verib. Bu illər ərzində o qədər insana yaxşılıq edib ki, mərasimdə iştirak edənlərin hamısı onun cənazəsini çiyinlərində aparmaq istəyiblər. Əgər oğlanları Samirlə Cəlal imkan versəydilər, insanlar Qurd qapısının başına qədər onu əllərində daşıyardılar. Cavanşir müəllim bax belə hörmət və rəhmət qazanmışdı! Cümə axşamıları, dünyadan köçməsinin 1 ay tamamı mərasimlərində də iynə atsaydın, yerə düşməzdi…