“Finalda tutaşmanı düzgün qurmadım”

Slovakiya paytaxtı Bratislavada gənc güləşçilərin dünya birinciliyinin 2-ci günündə 77 kq-da Cavidən Nəhmətov həlledici tutaşmada ermənistanlı Samvel Tərtəryan ilə 1:1 etdi. Rəqib xalı ilk aldığı üçün sonda qalib elan olundu. Mükafatlandırmadan sonra o çıxışını Allsport.az saytına belə də dəyərləndirdi:

“Finala qədər yaxşı irəlilədim – növbəli şəkilldə yunanıstanlı, qırğızıstanlı, qazaxıstanlı və iranlı rəqiblərimə böyük üstünlüklə qalib gəldim. Çox güman, finalda tutaşmanı düzgün qurmadım. Hələ heç nə bitməyib. Qarşıda U-23 dünya çempionatına yaxşı hazırlaşıb orada nəticəmi yaxşılaşdırmağa çalıçacağam. Üzərimdə əməyi olan bütün məşqçilərə təşəkkürümü bildirirəm.

Bu il gənclərin Avropa çempionatında da 2-ci oldum. Hazırlığımı daha artırıb bu dəfə fürsəti boşa verməməyə səy göstərəcəyəm”.

Kamran HACI, Bratislava